მთავარი / HTML / პირველი ნაბიჯები - უმარტივესი ცნებები  

ნაბიჯი 18 - რუკები - როგორ გავხადოთ სურათის ნაწილი ბმული? ნაწილი 2

მართკუთხედის ფორმის არეს გაკეთება უკვე ვისწავლეთ. გადავიდეთ წრეწირზე.



მივუთითოთ არეს ტიპი:


     
<map>
<area shape="circle">
</map>


როგორც ვიცით, წრეწირის ფორმის არეს გასაკეთებლად მისი ცენტრის კოორდინატები და რადიუსი გვჭირდება. ჩანაწერი ასეთი იქნება:

<area shape="circle" coords="x,y,R">

სამუშაო ისევ N1 ფიგურაზე ვაწარმოოთ. area-სთვის საჭირო კოორდინატებია 46, 48, 35. ჩავწეროთ:


     
<map>
<area shape="circle" coords="46,48,35">
</map>


ახლა, ჩავწეროთ ბმულის მისამართი და მივაბათ რუკა სურათს:


     
<img src="mapcircle.gif" usemap="#რუკა2">

... ტექსტი, სურათბი, ბმულები ან არაფერი...

<map name="რუკა2">
<area href="map_result2.html" shape="circle" coords="46,48,35">
</map>


ნებისმიერ არეს შეიძლება თავისი მინიშნება მიეთითოს, ეს თქვენს სტუმარს გარკვევას გაუადვილებს. თუმცა ჩვენ მხოლოდ ერთი არე გვაქვს, ანუ დამაბნეველი არაფერია, მაგრამ თვალსაჩინოებისთის მაინც მივუთითოთ მინიშნება:


     
<img src="mapcircle.gif" usemap="#რუკა2">

... ტექსტი, სურათები, ბმულები ან არაფერი...

<map name="რუკა2">
<area href="map_result2.html" shape="circle" coords="46,48,35" alt="პატარა წრეწირი">
</map>


ახლა ცოტა ხნით გააჩერეთ კურსორი პატარა წრეწირთან, როცა მინიშნებას დაინახავთ, დააკლიკეთ. მინიშნების გამოჩენამდეც შეიძლება, რა თქმა უნდა :) უბრალოდ მინიშნებას ვერ დაინახავთ.



პატარა წრეწირი

ახლა თქვენ სცადეთ იგივე მეორე წრეწირზე გააკეთოთ(კოორდინატებია 158, 75, 53).